في يوم مالوش ملامح
وكانت الشمس لونها كالح
والقمر طالع وسارح
يومها ماتت ضحكه الميدان
برصاص عسكري خاين جبان
يارب يومها من الرصاص كنا اتعمينا
قبل ما نشوفك كده يا مينا
يومها الميدان سمع صوت دموعنا
يومها بكت ارض الميدان بالدم
يومها مات البطل ..لا عاااش
عااش البطل جوه قلوبنا
عااش البطل جوه عقولنا
مينا عايش ..لا مماتش
مينا لسه ضحكته صداها في الميدان
تسمعها لما تفتكر ايام زمان
مينا مش صوره رسمناها علي الحيطان
مينا شهيد عايش جوه كل واحد فينا
بيصبرنا ساعاات..وكتير بيبكينا
ووحياه دمك يا مينا
وحياه دمك يا صاحبي
لنحقق حلمك وحلمي
مينا كان بيحلم بعدل يضلل علينا
وحياه دمك يا صاحبي
لنحقق املك واملي
ولو متتحققش....
اعرف ساعتها اننا كلنا بقينا جنبك تحت التـــــــــــــراب
ليست هناك تعليقات:
إرسال تعليق